Кандинскийлöн туйöд

[ A+ ] /[ A- ]

Кольöм вося декабр 26 лунö Кулöмдiнö да Керчомъяö волiс гижысьяслöн котыр.
Найö мунiсны юрист, серпасасьысь да этнограф В.В.Кандинскийлöн туйöд, кодi миян районö волiс 1889-öд воын. Сы йылысь паськыда висьталiс республикаын национальнöй музейса директор И.Н.Котылева. Кулöмдiнса «Квартет» нуръясянiнын найöс вердiсны коми сёян-юанöн, тöдмöдiсны пуан-вöчанногöн. Керчомъяын пыравлiсны олöма ань К.А.Катаева ордö. Клавдия Андреевна сьылiс дöвалысь бöрдöдчöм, кодöс пыртöма Кандинскийлöн казьтылöмъяса гижöдъяс серти И.Н.Котылеваöн лэдзöм книгаö. Этнограф чукöртiс коми сьыланкывъяс да бöрдöдчöмъяс буретш Керчомъяын. Пыравлiсны библиотекаö, видзöдлiсны сиктын аслыспöлöс юкмöсъяс. Керчомъяын найöс гажöдiс «Зарни куд» котыр. Волысьясöс чöсмöдлiсны коми пöжасъясöн, сола тшакöн, шома капустаöн, мырпомöн, пувйöн да мукöдторйöн.

Комментарии:

Добавить комментарий

Свежий выпуск: 28 марта

Осторожно — мошенники!