Кадръяскöд уджалысьяслöн лун

[ A+ ] /[ A- ]

Наталия Владимировна Нестерова 1993 восянь уджалö Кулöмдiнса шöр бурдöдчанiнлöн администрацияын. Босьтчылiс секретар-машинисткаöн, сэсся зiлис ЭВМ-са операторöн. Уджысь орöдчытöг велöдчис Санкт-Петербургса финансово-экономическöй колледжын. 2003 восянь веськöдлö йöзкöд удж котыртан юкöнöн. Сылöн юрнуöдöм улын нöшта кык специалист. Кадръяслöн юкöнлöн, уджалысьясöс удж вылö примитöм да уволитöм пасйöмысь кындзи, могыс уна на: артавны, кымын да кутшöм специалистъяс петкöдчöны «Дзоньвидзалун» национальнöй балаын, йöзöс услугаясöн могмöдöм бурмöдан выль программаын, видзöдны, мед уджалысьяс ас кадö кыпöдiсны квалификация, та могысь дасьтöны колана кабалаяс да с.в. Видзöдлас улын районса бурдöдан учреждениеясын 543 уджалысь. Тавося сентябрсянь на дорö вуджöдiсны и садъясысь медицинаса 14 уджалысьöс. Быдöнкöд колö вевъявны уджавны. Ас кадö кыпöдö уджалан сямлун: петкöдчö семинаръясын, выль тöдöмлунъяс босьтö «Консультант-плюсысь». Уджалö кывкутöмöн, мыйысь вичмисны шöр бурдöдчанiнöн веськöдлыссянь ошкана гижöд да почёт грамота, сiдзжö почёт грамота районса юралыссянь.

Комментарии:

Добавить комментарий

Свежий выпуск: за 2 апреля