Декабр 24 лунö тырö 30 во ветеранъяслöн «Красная гвоздика» хорлы. Сiйöс котыртiсны сiйöс Роза Валентиновна Попова, Зинаида Петровна Львович да Луиза Ивановна Чисталёва. Эм пайыс и ветеранъяслöн котырöн вöвлöм веськöдлысь Фёдор Антонович Шучалинлöн. Медводдза лунсянь хорын К.А.Чисталёва.
— Ме 15 арöссянь 50 арöсöдз уджалi районса типографияын, — висьталiс Клавдия Александровна. — Шойччыны петöм бöрын Ф.А.Шучалин гортöдз волöмöн корис сöмын на котыртчöм «Красная гвоздика» хорö. Тэ пö детдомын олiгöн на ассьыд сямлунтö петкöдлöмыд. Кöсйыси. Медводдза кадö котыраным вöлi 10 мужичöй да 10 нывбаба. Бöрынджык чукöрмылiс 16 нывбаба. Зэв жаль, но öнi хорын сöмын 12 морт, и ставыс олöма аньяс. Мужичöйяс мыйлакö оз локны.
Апрельын К.А.Чисталёвалы тырö 80 арöс. Но асьсö кылö пыр на томöн, да оз на кöсйы янсöдчыны хоркöд