Май 28 лунö ёна ковмис кусöдчыны Джеджимын.
Сотчис ыджыд овмöс, кöнi олiс öкмыс морт: ыджыд керка, кык пывсян, гараж, гожся пусянiн, гид, кык машина. Вермисны дорйыны биысь орчча выль керка, кодöс кыпöдöны на. Сотчалыштiсны кöзяиныс да кöзяйкаыс, öнi куйлöны районса бурдöдчанiнын.
Мыйла öзйис, туялöны.

Май 16-28 лунъясö ГИБДД-лöн районса юкöнысь инспекторъяс видзöдлiсны, кыдзи водительяс новлöдлöны челядьöс.
Казялiсны нёль торкöм, кор 12 арöсöдз челядьöс нуисны торъя кутöдтöг либö пуклöстöг. Инспекторъяс на вылö дасьтiсны гижöд да правилö торкалысьяслы ковмас вештыны куим сюрс шайт штрап.

Вöр быдтысь-дöзьöритысьяслöн общественнöй котыр велöдчысьяс пöвстын нуöдiс серпасъяслысь «Видзам öзйылöмъясысь вöр» конкурс.
Ставыс воис 62 удж. Комиссия шуис медбурöн Зимстанысь Вероника Лодыгиналысь серпас. Медбур уджъяс мичмöдасны блокнотлысь вывкышъяс, найö лоасны магнитъяс вылын. Конкурсын вермысьяслы вичмисны сьöма сертификатъяс.

Улыс Вочын школакöд орччöн челядьлы ворсанiнö содтöд вöчисны кык качай.
Сьöм вылö, кодöс конкурсын вермöмысь сетiсны томъяслöн котырлы. Ворсанторсö кык во сайын козьнавлiс «Единая Россия» котыр.
А Вылыс Вочлы Госсöветса депутат Д.А.Шатохин отсöгöн ёртасьöм йылысь сёрнитчöм серти челядьлы ворсанiн козьналiс

Читать далее →

Юрсиктын Стрöитчысьяслысь улича да Дорожнöй туй кост водзö вöчö асшöр уджалысь Р.В.Третьяков.
Туй пöлöн кодйö гуран. Топöдö-шыльöдö тöлын вайöм лыа, вольсалас галяиз. Туй пöлöн кöрта да бетона плитаясысь вöчас подаяслы моски. Уджсö урчитöма эштöдны арöдз.