Январсянь талунöдз чери кыйöм кузя федерацияса агентстволöн Двинско-Печорскöй управлениеысь Кулöмдiн участокса инспектор эрдöдiс 33 торкалöм.
Лöсьöдiс 33 протокол, кодъяс пиысь 28 йитчöма позьтöминысь да позьтöмторъясöн кыйсьöмкöд. Мырддис 19 килограмм кыйöмтор, 23 кулöм да спиннинг. 5 торкалöм йитчöма ва да сыкöд

Читать далее →

Ыджыдалысь тöвныр да чардби вайисны содтöд удж «Ростелеком» филиаллöн Кулöмдiнса юкöнлы.
Связьса уджалысьяс лöсьöдiсны торкöминъяс Пожöг вожын, Вöльдiнын, Немдiнын, Мысын, Улыс Вочын. Бöръяас лёксö вöчис гöгрöс чардби.

Август 2-öд лунö Пожöг пасйис чужан лунсяньыс 365 во тырöм.
Чолöмалiсны сиктсаясöс райадминистрацияöн веськöдлысьöс вежысь Н.А.Левченко, «Пожöг» администрацияöн веськöдлысь Н.А.Шахова да мукöдъяс. Ворсiсны футболысь, котралiсны, медводдзаысь ордйысисны мотоблокъясöн М.И. Попов, Е.А.Игнатов да Н.А.Ладанов. Чöсмасисны юкваöн, тшынöдöм яйöн да пöжасöн. Гажöдчисны да йöктiсны сёр рытöдз.

Ручын сувтöдiсны 50 кубометраа ва видзанiн.
Тшуписны ас сиктсаяс, техникаöн отсалiс Кебанъёльса асшöр уджалысь. Эжантор ньöбисны Кировысь. Сьöмöн отсалiс районса администрация. Талун кежлö сиктын 7 ва видзанiн. Локтан воын вöчасны кыкöс.

Август витöд лунö юркарын сетiсны республикаса школаяслы выль автобусъяс.
На лыдын куимöс миян районлы — Зимстанса, Дереваннöйса да Помöсдiнса школаяслы. Районса бюджет весьтö автобусъясö пуктасны тахографъяс да ГЛОНАСС оборудование.
Пасъям, мый июльын выль «Газель» вичмис и Кулöмдiнса шöр школалы.