Вöчасис «Барс»

Керчомъяын июльын «Йöзкостса бюджет» бала серти Шошка инын лöсьöдiсны 300 метра кузя туй юкöн. 
Уджъяс нуöдöмыс сувтiс 337 сюрс 600 шайт. Федерацияса бюджетысь вичмис 300 сюрс, чуктöдiс сиктса администрация да чукöртiсны йöз. Уджалiс «Барс» котыр. Туй вылö ваялiс да вольсалiс лыа-изъя сорас, шыльöдiс, пöлöныс кодйис гуран.

Читать далее

Падмöдö поводдя

Дереваннöйысь крестьянин овмöс кутысь Д.А.Удоратин пуктiс 15 тонна турун. 
Тайö коланаысь коймöд пайыс на. Ставнас колö ытшкыны сё гöгöр гектар видз. Уджалö Павел пиыскöд. Техника тырмымöн — ытшкан-куртан кöть гöрддзымö гартлан. Трактор вылö пуксьывлöны öта-мöдсö вежлалöмöн. Медшöр мытшöдыс — зэра, кöдзыд поводдя, мый вöсна нюжалö пуктысьöм. Но фермер эскöдö, мый кöрым заптыны колö быть урчитöм мында, 45 тонна, медым тыр-бура тöвйöдны 12 кукань-мöскöс.

Читать далее

Пакöститчöны кöинъяс

Керчомъяын матö во гöгöр чöж нин дöзмöдчöны кöинъяс. 
Бöръя кадö найö косявлiсны уна понйöс. Сиктса юралысь душ-мöдысь нин шыöдчылiс районса охотовед дорö вöрса пакöститчысьяс кузя. И сöмын öнi на регыд сiйö лэдзис кыйöдны да кыйны найöс. Та могысь индiсны сиктса вöралысь А.П.Шаховöс. Стöча абу тöдса, кымын кöин шöйтö сикт гöгöрын, туялöм бöрын петкöдчас.

Читать далее

Гижö челядьлы

Август кöкъямысöд лунö Кулöмдiнын челядьлöн шöр библиотекаын вöлi Алёна Петровна Митина гижыськöд аддзысьлöм. 
Дереваннöйын быдмылöм нывбаба öнi олö Ригаын, быд гожöм волывлö чужанiнö. Пыр гижис верстьöлы, а öнi босьтчис гижны и челядьлы. Алёна Петровна висьталiс ас йывсьыс да тöдмöдiс «Менам ичöтик ёртъяслы» книгаöн.

Читать далее

Шога туй

Неважöн вöлiны гижöдъяс Кöрткерöс районса Одыб да Висер сиктъяс дорын лёк туйяс йылысь. Пасьвартöны туйяс вöр тыра ыджыд машинаяс, а вöчысьыс абу. Сiдз жö и миян Кулöмдiн — Помöсдiн туйкост сё страмина кодь, огö жö шыльыд-мольыд туйöд ветлöй. «Мондилöн» да ас вылö мукöд уджалысьяслöн вöр петкöдан гырысь машинаяс кисьтiсны туйсö мам муöдзыс, быттьö ён артобстрел бöрын артмöмаöсь джуджыд да паськыд гуран-гöпъяс. 

Читать далее

Свежий выпуск: за 14 ноября