Кулöмдiнысь В.А.Поповалöн декабрын петiс «Сикöтш моль» книга.
Валентина Александровна уна во нин чукöртiс йöзлысь сьöлöм вöрзьöдана да шензьöдана лоöмторъяс йылысь казьтылöмъяс, кодъяс йитчöмаöсь Енлы эскöмкöд. Вель уна книга, кöнi 25 висьт, козьналiс библиотекаяслы. В.А.Попова уджалö водзö да кöсйö лэдзны мöдöс.

Юрсикт ёна стрöитчö.
Катыдпомын, совхозлöн вöвлöм муяс вылын, вый вöчан заводлы воча туй мöдарас, кыптас матö 200 керка. Артмас нёль выль улича. Овмöдчöминса администрация корö вöзйыны налы нимъяс. Колö сiдзжö нимтыны Спортивнöйысь войвылынджык öти улича. Вöзйöм нимъясысь медбуръяссö бöръясны овмöдчöминса депутатъяс асланыс чукöртчылöм вылын.

Февраль 16 лунö чукöртчылiсны райсöветса депутатъяс.
Вынсьöдiсны «Кулöмдiн» да «Носим» овмöдчöминъясöс «Кулöмдiн» овмöдчöминö öтувтöм йылысь шуöм, «Кулöмдiн» муниципальнöй районлöн уставö вежсьöмъяс да содтöдъяс пыртöм йылысь бала, «Кулöмдiн», «Немдiн», «Югыдъяг» да «Помöсдiн» овмöдчöминъяслöн муöн вöдитчöм да стрöитчöм кузя генеральнöй планъясö вежсьöмъяс

Читать далее →

Война пансьöм бöрын Кулöмдiнысь Василий Константинович Поповöс куимысь корлiсны военкоматö, но дзолясяньыс кокыслöн висьöм вöсна куимнансьыс эз нуны. Монтёрö велöдчöм бöрын ыстiсны уджавны Немдiнö. Кытшлалiс район, мед быд сиктын бура уджалiс радио: кайлывлiс сюръяяс вылö, лöсьöдiс-йитлiс жугалöминъяс-орöминъяс. Некор висьöм вылö эз элясьлы, эз шыöдчыв и бурдöдчанiнö. Уджавлiс Немдiнса би сетанiнын, ломтiс Немдiнса леспромхозлысь машинаяс да техника видзанiн-дзоньталанiн. Вера Степановна гöтырыскöд быдтiс да велöдiс нёль челядьöс. Öнi сы вöсна тöждысьö да видзö Антонина нылыс, кодi олö Югыдъягын.
Февраль 10 лунö Василий Константиновичлы тырис 90 арöс. Висьталiс пöсь кывъяс да сетiс Россияса президент В.В.Путинсянь чолöмалан гижöд районса администрацияöн веськöдлысьöс вежысь И.В.Попов. Нимöдiсны олöмаяслöн районса котырöн юрнуöдысь Г.А.Кравченко, Немдiнса юралысь А.В.Пименов, «Югыдъяг» овмöдчöминса юралысьлысь могъяс олöмö пöртысь Е.Б.Карманова да мукöд.
Марина ДАДАШОВА.
Снимок Кирилл Поповлöн.
Читать далее →

«Носим» овмöдчöминлöн администрация уджалö сы вылын, медым пасйыны Носимлы 370 во да сиктса «Троича» гажлы 25 во тырöм.
Колö дасьтыны сиктлöн нима пас, лöсьöдны гажöдчанiн, сёрнитны нималысь олöма йöзкöд да на пыр петкöдлыны сиктлысь важ олöм, нимöдны ыджыд сяма йöзöс.

Читать далее →