Нэм чöжыс тракторлöн да машиналöн руль сайын, нэм чöжыс киас чер да пила, нэмсö сетiс видз-му овмöслы ла вöрлы, «сотчö» удж вылас, кадöн да вынöн артасьтöг. Тайö Кулöмдiнысь Геннадий Борисович Попов, уналы тöдса да пыдди пуктана морт. Кебанъёльысь 26-öд номера училище помалöм бöрын, кöнi босьтiс вöр овмöсын уджалысь трактористлысь профессия, пырис Кулöмдiнса леспромхозлöн Кужса лесопунктö. Уджалiс Сельхозхимияын да шöр больничаын. Быд удж вылын петкöдлiс ыджыд сям да кывкутöм, мыйысь век пуктылiсны пыдди. Бöръя куим восö зiльö ас вылö уджалысь Николай Андреевич Уляшёвлöн бригадаын, пöрöдö вöр, сы кындзи, отсасьö Николай Андреевичлы лавкаын. Туйдö-отсалö уджын том йöзлы, да и верстьöяс оз яндысьны юасьны да корны отсöг, ставныслы мунö воча. Бур уджысь сетлiсны аттьöалан гижöдъяс. На пиысь донаджыкöн лыддьö йöзлысь пыдди пуктöм.