Галина Витальевна Пименова (снимок вылын) чужис да быдмис Архангельск обласьтын.

[ A+ ] /[ A- ]

 Сыктывкарса государственнöй университетлысь экономика факультет помалöм бöрын 1980 воын локтiс уджавны Кулöмдiнö. Зiлис Кулöмдiнса леспромхозлöн орсын, 1994-ын локтiс Коми республикаын федерацияса казначейство управлениелöн Кулöмдiн районса юкöнö. Вöлi медшöр бухгалтерöн, юкöнса начальникöн, 2016 восянь — Коми республикаын федерацияса казначейство управлениелöн 1-öд номера юкöнлöн медшöр казначей. Ставсö уджалiс 37 во, казначействоын — 23. Торъялö ыджыд кывкутöмöн да удж кузя тöдöмлунъяс öтырышъя кыпöдöмöн. Галина Витальевналöн видзöдлас улын бюджетса котыръяслöн республикаса да федерацияса бюджетлöн сьöмöн вöдитчöм: мед ставсö вöчисны закон серти, бокö эз мун ни öти кöпейка. 
Уна вося бур уджысь Галина Витальевнаöс пасйисны Коми республикаын федерацияса казначейство управлениелöн аттьöалан гижöдöн, Коми республикаын федерацияса казначейство управлениелöн, федерацияса казначействолöн почёт грамотаясöн, сiйö уджвывса ветеран. Тавося декабр 14 лунö странаын пасйисны федерацияса казначейство котыртчöмсянь 25 во. Москваын, Кремльын такöд йитöдын мунiс кыпыд гаж, кытчö Комиысь ветлiс вит морт. На лыдын вöлi и Галина Витальевна. 
Гижöд да снимок Лидия ЛИПИНАЛÖН.


Комментарии:

Добавить комментарий

Свежий выпуск: за 6 декабря