Ичöт Аныбын 270 во да татчöс фермер овмöслы 25 во тырöмкöд йитöдын (сiйöс кутöны Михаил Григорьевич да Люция Николаевна Вологжанинъяс) гаж вылö дзоля грездö волiс гöтырыскöд да нылыскöд Францияысь Филипп Фуаси, кодлöн Коми муö волöмыс йитчöма коми йöзлысь оласног да культура пыдiсяньджык тöдмалöмкöд. Гöтырыс — Надежда Васильевна — Сыктывкарысь да тайöс вöчны сылы кивыв.
Гаж, кодöс петкöдлiсны Пöдтыбокса, Аныбса, Ручса да Дереваннöйса сьылысь-йöктысь котыръяс, а сiдзжö квайт гудöкасьысьлöн сям ёна воис сьöлöм вылас Францияысь волысьяслы. Нимкодь вöлi и визув юысь ком вугралiгöн.
Снимок вылын: Францияысь волысьяс республикаса юралысьлöн районса примитанiнöн веськöдлысь А.А.Кузнецовакöд (шуйгавылас) да районса олöма йöзлöн котырöн веськöдлысь Г.А.Кравченкокöд (веськыдвылас).