Эн люкась — эн крукась… 

[ A+ ] /[ A- ]

Совхоз пилорама дорö лэптiсны выль шонтысян-шойччан керка. Куричасьöма, буракö, кодкö арлыда кужысь: öдзöс судтаыс важ моз ляпкыд, а порогыс джуджыд. Кыдзи водзын велавлiсны коми йöз, керкаын шоныд кутöм могысь пырны копыртчöмöн да гырыся воськовтöмöн. Шмоньлив том йöз чукöрысь кодкö ортсысяньыс няркнитöма сьöд маркерöн гижöд: курич вешняк вылас пасйöма «эн люкась», а порог вылас – «эн крукась». И кыкнан гижöдыс пырысьлы шыбитчö синмас. А сэсся выль локтысьяслöн кодлöн кутшöм шудыс вöлöма: медводзöн кö лыддисны вылыс гижöдсö, то крукасьлiсны, горув гижöдас кö синмыс усьлi, то люкасьлiсны. Керкаын пукалысьяслы тайö и теш… 
Николай Игнатов. 
Помöсдiн.


Комментарии:

Добавить комментарий

Свежий выпуск: за 6 декабря