Екатерина Дмитриевна Ракиналы — 90

[ A+ ] /[ A- ]

Водзö нимöдöны районса олысьясöс, кодъяслы чужöмсяньыс тырис 90 арöс. Ноябр 19 лунö кыпыда пасйисны ыджыд юбилей Озъягысь Екатерина Дмитриевна Ракиналысь. Гортöдзыс волöмöн чолöмалiсны районса администрацияöн веськöдлысьöс вежысь Н.А.Левченко, Кужса администрацияöн веськöдлысьöс вежысь Ж.В.Мартюшёва, ветеранъяслöн райсöветса председатель Г.А.Кравченко. Вöлiны и Е.Д.Ракиналöн матыссаяс да тöдсаяс. Локтöмаöсь весиг Перымысь, юркарысь да мукöдлаысь.
Наталья Анатольевна сетiс Екатерина Дмитриевналы Российскöй Федерацияса президент В.В.Путинсянь чолöмалана гижöд да дзоридзьяс. Ассяньыс пасйис, мый ань вуджис сьöкыд олöм, но ловнас эз усь, зэв на збодер да арлыд серти петкöдчö томöн, сиис овны 100 арöсöдз.
Галина Арсеньевна сиис юбилярлы кывбур да сетiс козин — шоныд шебрас.
Е.Д.Ракинаöс олöмас ыджыд пасöн чолöмалiс Жанна Васильевна.
Екатерина Дмитриевна ачыс Дереваннöйысь. Ичöтсянь тöдлiс крестьянинлысь сьöкыд удж. 7 во пöрöдiс вöр, дöзьöритiс пемöсъясöс, вöлi фермаса заведующöйöн. Тылын уджалiгöн водзмöстчöмысь медводдзаяс лыдын сетiсны «За доблестный труд в годы Великой Отечественной войны 1941-1945 г.г.» медаль. Эм сылöн и «Ветеран труда» да юбилейнöй медальяс. Екатерина Дмитриевналöн снимокыс öшалö Дереваннöйса клубын. Бöръя кык восö олö Озъягын ныв дорас. Ыджыд арлыд вылö видзöдтöг, радейтö уджавны градйöрын. Быд лун вöчö зарядка.

Комментарии:

Добавить комментарий

Свежий выпуск: за 2 апреля