Екатерина Анатольевна Тюрнина — пристав-дознователь

[ A+ ] /[ A- ]

Екатерина Анатольевна Тюрнина (снимок вылын) школа помалöм бöрын пырис Сыктывкарса университетö, босьтiс экономистлысь специальносьт. Öтпырйö велöдчис юридическöй факультет вылын. Нёльöд курсын велöдчигöн сюрис удж — корисны суд приставъяслöн Кулöмдiн районса юкöнö. Уджалiгмозыс и помалiс университет. Öнi Екатерина Анатольевна — суд пристав-туялысь. Уджыс — корсьны йöзöс кодъяс яндысьтöг пышъялöны алиментъяс вештöмысь, оз вештыны кредитъяс (кор öшйö öти да джын миллионысь унджык шайт уджйöз), видзöдны, медым чина йöз пöртiсны олöмö судöн урчитöмторъяс.
2013 вося уджлы кывкöртöдъяс серти Екатерина Анатольевна лоис Коми республикаын медбур суд пристав — туялысьöн. А суд приставъяслöн Кулöмдiнса юкöн аслас удж кузя лоис республикаын мöдöн.
Гижöд да снимок Лидия ЛИПИНАЛÖН.Тюрнина

Комментарии:

Добавить комментарий

Свежий выпуск: 28 марта

Осторожно — мошенники!