Декабрын лоас 10 во, кыдзи Выльгортысь Павел Алексеевич Игнатов босьтчис уджавны «Монди СЛПК» котырлöн вöр заптысьяслöн Асыввыв юкöнысь Вылыс Эжваса участокын.

[ A+ ] /[ A- ]


2005 воын помалiс Коми пединститутлысь физика-математика факультет. Уджыштiс асшöр уджалысь дорын. 2007 воын корисны «Мондиö», кор участокö вайисны финскöй техника. Индiсны вылыс складын мастерöн. Кывкутö нёль харвестерлöн да сы мында жö форвардерлöн, бульдозерлöн, экскаваторлöн да мукöд техникалöн удж вöсна. Овлö, мый тöлысьджынся уджалан кадын зiльö 70 морт, корсюрö чинö 10 мортöдз. Котыртö да видзöдö вöр пöрöдöм да петкöдöм бöрся.
— «Мондилöн» уджын медся тöдчанаясысь öти — лёк суöмысь видзчысьöм. Гортаныс быд тöлысь джын шойччöм бöрын быть чукöртам да велöдам выльысь, кыдзи уджавны, мед эз вöвны торкалöмъяс, кутшöм кост кутны техникаöн уджалiгöн, мыйысь видзчысьны да с.в. Донъяла став вочакывсö да кырымöда. Видзöда, мед пелька видзисны оланiнъяс да гортаныс мунiгöн ас бöрсяныс ставсö колисны сöстöмöн. Тöвнас вöр пöрöдiм Кöрткерöс районын, сэсся локтiм Пузла дорö, та бöрын вуджим Ярашъю сайö. Ноябрын мунам Дереваннöй дорö, — сёрнитiс Павел Алексеевич, кодлы вöр овмöсын уджалысьяслöн чукöртчылiгöн районса администрацияöн веськöдлысь С.В.Рубан республикаса промышленносьт, вöр-валöн озырлунъяс, энергетика да транспорт министр Н.Н.Герасимов нимсянь пасйис почёт грамотаöн.
Гижöд да снимок Марина ДАДАШОВАЛÖН.


Комментарии:

Добавить комментарий

Свежий выпуск: за 23 ноября