Улыс Вочын Победа лун пасйисны кык лун чöж. Май 8-öд лунö кыпыд гажъяс мунiсны «Оз тусь» садйын да школаын, кöнi юргис челядьлöн мичаа сьылöм-йöктöм. Сэсся школаын велöдчысьяс война вылын вöвлысь пöльяслöн да матыссаяслöн снимокъясöн мунiсны «Кувлытöм полкöн» война вылын усьöмъясöс казьтылан пас дорö. Сэнi велöдысьяс казьтыштiсны сиктысь мунöм айловъясöс, кодъяс тышкасисны фронт вылын. На пиысь унаöн олöмнысö сетiсны миян шуда олöм вöсна. Эз вунöдны и найöс, кодъяс война кадö мырсисны сиктын. 
Май 9-öд лунö, Победа пасъян лунö, сиктсаяс чукöртчылiсны клубын. Войнадырся сьыланкывъясöн да мичаа йöктöмöн гажöдiсны челядьлöн «Смайлики» да верстьöяслöн «Шондi югöр» котыръяс. Налöн петкöдчöмысь кыпалiс лов. Гаж бöрын чукöртчисны казьтылан пас дорын. Усьöм воинъяслы юркытш пуктöм бöрын верстьööс и посниöс чолöмалiсны Победа лунöн сиктса юралысь Н.Ф.Морохин да олöмаяслöн котырöн юрнуöдысь И.Е.Гичев. Чолöмавны вермытöмъясöс кыпыд лунöн да вичмöдны козин олöмаяслöн котырсаяс ветлiсны гортöдзныс. 
Галина НЕСТЕРОВА. 
Александра Касевалöн снимокъяс вылын: «Кувлытöм полк»; казьтылан пас дорын.