Шойччöны гажаа ворсöмöн

[ A+ ] /[ A- ]


Пызанвывса ворсöмъяс öнiя олöмö пырöмöн лоисны медся нималана да радейтана лов кыпöданторйöн. Ворсны радейтöны ставныс — челядь и верстьö. Пызанвывса ворсöмъясыд — зэв бур кад коллялантор, кöнi лöсьöдöны да сöвмöдöны выль йитöдъяс, велöдöны вöчны ворсöмъясын урчитöмторъяс, мöвпавны, бура тöдчöны внимание, паметь, веськöдчыны да ворсöмсö некымын воськов вылö артыштны кужöм вылö да с.в. Но медшöрыс сыын, мый ворснысö зэв лöсьыд да гажа, торйöн нин бур котырын.
Кулöмдiнса шöр библиотекабердса том йöзлöн шöринын кык во нин уджалö пызан сайын ворсысьяслöн «Игромания» клуб. Татчö во-лысьяслöн эм позянлун ас тшöтшъяясыслöн кытшын кыдз важся радейтана нин сiдз и выль ворсöмъяс сайын бура коллявны прöст кад. Талун шахмат да шашки кындзи чужисны и уна выль ворсöмъяс. На лыдын «Мафия», «Коми мафия», «Коми домино», «Крокодил», «Экивоки», «Барамелька», «Жадюги», «Импровизация», «Добль», «Дженга» («Башня»), «Свинтус», «Поймай монстрика». Чукöртöй ассьыныд котыр да волöй ворсны. Библиотекаса уджалысьяс бура вочааласны быдöнöс, отсаласны бöрйыны сьöлöм сертиныд ворсöм, тöдмöдасны и велöдасны, кыдзи ворснысö.
Ольга Чисталёва, шöр библиотекаса уджалысь.
Снимок вылын: том йöзлöн ворсiгöн.

Комментарии:

Добавить комментарий

Свежий выпуск: 28 марта

Осторожно — мошенники!