Сентябр 15-öд лун кежлö видз-му овмöсъяс сигöртiсны кöрым заптöм. Во гöгöр кежлö öти мöс вылö артмис 22,4 центнер кöрым, кольöм воын серти 65 процент вылö унджык. 
Тöв кежлö медся бура лöсьöдчис «Помöсдiн» кооператив. Чукöртiс 652 тонна турун, 2250 тонна сенаж, öти мöс вылö лоис 25 центнер. «Пожöг» заптiс 430 тонна турун, 386 тонна сенаж, öти мöс вылö лöсьöдiс 19,7 центнер. Крестьянин овмöс кутысьяслöн 1420 тонна турун, 409 тонна сенаж, öти мöс вылö артмис 21 центнер. Водзынöсь Лебежнöйысь А.Е.Булышев, Керчомъяысь Н.В.Катаев, Донысь Э.И.Чаланова, Кулöмдiнысь С.А.Тимушев да Дереваннöйысь Д.А.Удоратин.