Кольöм вося поводдя дзикöдз тшыкöдлiс Зимстан да Воч костын туй, таво тулыс татi бара на эз вермыны мунны машинаяс, дугöдлiсны йöзöс новлöдлыны автобусöн.
Таво гожöм тайö туй юкöнсö босьтiс аслас видзöдлас улö «Лес-Сервис» тыр асшöрлунтöм котыр. Öнi лöсьöдöма машинаяслы ветлöм выйöдз Зимстан да Улыс Воч костысь туй юкöн: тыртiсны лыа сора галькиöн да шыльöдiсны, бокъяссö кырöдiсны, куимлаö пуктiсны туй вомöн ва визувтан трубаяс.
Сиктса администрация аттьöалö «Лес-Сервис» котырысь мастер Андрей Евгеньевич Выкрикачöс да инженер Игорь Иванович Ветошкинöс.
Николай Морохин,
«Улыс Воч» овмöдчöминын юралысь