Март 5-öд лунö районса администрацияын чукöртчылiс экспертъяслöн Скöрöдум школа сиптöмкöд йитчöм мытшöдъяс донъялысь комиссия.
Видлалiсны велöдчысьяслысь лыд, челядьлы ён тöдöмлун сетан позянлун, школалысь ылыслун да уджалысьяслысь оласног вежсьöм. Ставсö бура арталöм бöрын кывкöрталiсны, мый 2020-öд воын Помöсдiнын выль школа стрöитöм помавтöмла Скöрöдум школа тупкöм лёка тöдчас челядьöс велöдöм вылö.
Мукöд сикт-посёлокын школа-садъяслысь лыдсö чинтiсны водзынджык. Бать-мам (законнöй представительяс) оз элясьны, бурмö тöдöмлун босьтöм.
Районса администрациялы урчитöм могъяс олöмö пöртiгöн сэнi уджалысьяс быд кывкöртöд вöчöны законъяс тöд вылын кутöмöн. И оз быдöнлы найö пыр воны сьöлöм вылö. Бöръя кадö чина войтыр йылысь мисьтöм гижöдъяс öткымынöн йöзöдöны интернетын. Тшöкыда гижöны лöсявтöмторъяс, збыльсö торкалöмöн. Районса администрация лыддьö коланаöн юöртны та йылысь сикт-грездса войтырлы да тöдчöдö, мый найö талун дасьöсь мытшöдъяс разьöм могысь сёрнитны быдöнкöд. Аддзасны и кадсö, и местасö.
Администрациялöн пресс-служба.