Саридз флотса пыдди пуктана морт

[ A+ ] /[ A- ]

Василий Николаевич Гуцуляк быдмис Зимстанын. Помалiс татчöс шöр школа. Шедöдiс вылыс тшупöда тöдöмлунъяс, юридическöй наукаясса докторлысь ним.
1983-öд воын помалiс Новороссийскса вылыс тшупöда инженернöй морскöй училищелысь судоводительскöй факультет. Уджалiс Новороссийскса саридз пароходствоын суйöр сайö ветлан гырысь суднояс вылын.
1988-öд воын вуджис велöдан удж вылö и сэкжö пырис «Войтыръяскостса морскöй право» специальносьт серти Москваса «Союзморнии-проект» институтлöн аспирантураö. Сiйöс помалiгöн бура дорйис кандидатлысь диссертация. Сылöн лоис доцентлöн учёнöй ним, помалö докторлöн диссертация вылын удж.
1995-öд воын Василий Николаевич босьтчис юрнуöдны суднояслысь ветлöм веськöдлан Новороссийскса шöринöн, сэкжö водзö нуöдiс академияын экономика да морскöй право кузя кафедраса профессорлöн должносьтöн наука да велöдан удж.
1997-öд вося ноябрын Василий Николаевичöс бöрйисны Новороссийскысь морскöй академиялöн начальникöн. Сiйö петкöдчö транспортлöн Россияса академия призидиумлöн уджын, кытчö 1998-öд вося сентябрын пырöдчис и Новороссийскса государственнöй морскöй академия. Сылöн подув вылын котыртiс вöр-ва да олöм видзöм кузя наукаяс войтыръяскостса академиялысь юкöн. Василий Николаевич — коммуникативнöй технологияяслöн институтса морскöй право кузя ректор, профессор, юридическöй наукаясса доктор, Москваса государственнöй юридическöй академияын диссертацияяс видлалан сöветö пырысь, бура сёрнитö англия кыв вылын. Петкöдчис войтыръяскостса конвенцияяс кузя балаяс дасьтöмын. Пырö Кубаньса ректоръяслöн Сöветö. Саридз флотса пыдди пуктана уджалысь. Лэдзис войтыръяскостса да саридзса правояслы сиöм уна книга, кодъяс лыдысь öткымынъясöс Россия Федерацияса велöдан министерство вöзйис учебникъяс пыдди пыртны вузъясса студентъясöс велöдан программаö.
Жанна ГИЧЕВА,
Зимстан шöр школаса вöвлöм велöдчысь, öнiя велöдысь.
Снимок вылын: В.Н.Гуцуляк.

Комментарии:

Добавить комментарий

Свежий выпуск: 28 марта

Осторожно — мошенники!