Радейтам йöзкостса творчество

[ A+ ] /[ A- ]

Ноябр 1-4-öд лунъясö Москваын «Измайлово» концерт залын мунiс куим конкурс: национальнöй культура да фольклорлöн «Душа моего народа» нёльöд, сцена да художествоа искусствояслöн öкмысöд да хореография искусстволöн «С пятки на носок» нёльöд войтыръяскостса конкурс-фестивальяс.
Коми республикасянь петкöдчисны Шöръягысь Лия Напалкова да «Югыд кодзув» сьылысь котыр (веськöдлысь О.Н.Дорогань). Конкурсъяс вылö волiсны страна пасьтаысь, а сiдзжö Латвияысь, Белоруссияысь да ылi Индияысь зэв уна котыр.
«Вокальное творчество. Народная песня» шуöмын «Каким ты был…» сьыланкывйысь «Югыд кодзувлы» вичмисны медводдза степеня лауреатлöн диплом, вермысьлöн кубок да медаль. Мöдöд степеня лауреатлысь ним да кубок котырлы сетiсны «Тувсов вой» петкöдчöмысь.
Дас арöса Лия Напалкова «Вокальное творчество» шуöмын петкöдчис «Ыджыд мамукöй» сьыланкывйöн да шедöдiс мöдöд степеня лауреатлысь диплом, вермысьлысь кубок да медаль.
Челядьлы сьыланкывъяс номинацияын «Со кыдзи ме йöкта» номерысь сьылысьöс пасйисны коймöд степеня лауреатлöн дипломöн да кубокöн.
Конкурс мунiс зэв кыпыда, гажаа, котыръясöс вочаалiсны бура, сьöлöмсянь. Шöръягсаяс петкöдлiсны ассьыныс сям, а сiдзжö видзöдiсны да велöдчисны мукöдъяслысь, кодъяс на моз жö радейтöны йöзкостса творчество.
Ольга Дорогань.
Шöръяг.
Гижысьлöн снимокъяс вылын: сьылö Лия Напалкова; петкöдчöны «Югыд кодзув» котырысь Людмила Валерьевна Касева, Лидия Клавдиевна Напалкова да Ольга
Николаевна Дорогань.

Комментарии:

Добавить комментарий

Свежий выпуск: за 5 декабря