Дона ёртъяс! 

Пöся чолöмалам тiянöс выль 2019-öд воöн! 
2018-öд во миянлы ставнымлы вайис уна виччысьтöмтор, и эз став юöрыс вöв нимкодьöн. Сэкжö миян юръяс весьтын лöз енэж, гöгöр лöнь олöм, кылö челядьлöн гажа серам — тайö öмöй абу шуд! 
Вай выль во войö аттьöалам кольысь 2018 во став бурторсьыс, мый сiйö миянлы сетiс, мыйö чуйдiс-велöдiс, мöвпъясöн корам прöща налысь, кодъясöс лоис дойдöма, кöкни сьöлöмöн асьным лэдзам миянöс дойдалысьясöс да аскиа лунö воськовтам югыд мöвпъясöн, бур кöсйöмъясöн, зумыд эскöмöн, мый воыс лоас шаньöн. 
Сиам ставныдлы ён дзоньвидзалун, семьяын радейтöм да гöгöрвоöм. Мед тiян пызанныд век вöлi тыр, а гортаныд — шоныд. Мед быдöнлöн вöлi удж да тырмымöн сьöм. 

Аттьö ставныдлы «Парма гор» газеткöд ёртасьöмысь, миянöс лыддьöмысь, а, сiдзкö, миянлы эскöмысь! 
Став бурсö тiянлы, кузь нэм да бур шуд! 

Выль воöн! 

«Парма гор» газетлöн редакция.