«Ленин туйöд» газет 1970 вося январ 8-öд лун

Быд семьяö — районнöй газет

1970 во кежлö районнöй газет медуна разöдiсны Усть-Куломын, Дереваннöйын, Вочын, Скöрöдумын: кольöм во серти подпискаыс содiс связьлöн 22 отделениеын (ставыс районын 37 отделение). Тайö висьталö партийнöй организацияяслöн, печать разöдысь-общественникъяслöн, связь отделениеясса уджалысьяслöн бур удж йылысь.
Кыдз тöдса, «Ленин туйöд» газетлöн редакция сентябрь тöлысьын йöзöдлiс конкурс газетсö медуна разöдысьяс вылö. Талун вöчам итогъяс.
Газет разöдöмысь первойя премиясö редакция шуис юкны Скöрöдумысь связь отделениеса начальник Мария Васильевна Ефремова да сэтысь жö письмоносец Мария Максимовна Пашнина костын (первойяыслы 7 да мöдыслы 8 шайт). Скöрöдумса уджалысь йöзлы Выль восянь воö 106 экземпляр газет (быд кык семья вылö öти экземплярöн). Мöд премиясö (10 шайт) шуöма сетны Верхне-Вычегодскöй леспромхозысь печать разöдысь общественница Анна Петровна Шаховалы. Аслас коллективын районнöй газет вылö сiйö гижöдiс 76 мортöс. Коймöд премия — 8 шайт — сетöма Вылыс Вочысь связь отделе-ниеса начальник Люция Сергеевна Лютоевалы.
Редактр Н.Т.Пунегов.