Ноябр 2-öд лун паныда войö вöлi пöжар Немдiнын. Дзикöдз сотчис сиктса администрациялöн стрöйбаыс. Танi меститчисны тшöтш фельдшерско-акушерскöй пункт да полицияса участковöй уполномоченнöйлöн кабинет. Бикöд водзсасьны волiсны 13 кусöдчысь да 5 машина. Некод эз сотчав.
Сиктса администрациялысь да бурдöдысьлысь удж водзö котыртны отсалöм могысь районöн веськöдлысь С.В.Рубан пыр жö ветлiс Немдiнö.
Ноябрь 9-öд лунсянь урчитöм график серти выльлун, середа да пекничаö клубкöд орччöн уджалö районса шöр бурдöданiнлöн ветлöдлан бурдöдан комплекс. Танi медикъяс примитöны висьысьясöс. Комплекссö йитiсны клубö да ладмöдiсны уджаланногсö.
Сиктса администрация кад кежлö меститчис Совхознöй уличаса 7-öд керкалöн 8-öд жырйö. Удж котыртöм могысь став колана отсöг лоö сетöма районса администрацияöн. Содтöд жыръяс (ковмас кö) торйöдасны клубысь.
Полицияысь участкöвöй уполномоченнöй уджалö воддза ног.
«Немдiн» овмöдчöминса юралысь А.В.Пименов юöртiс, мый отсöг воö быдласянь — районса веськöдлысьяссянь, сиктса администрацияяссянь да сикт-грездъясын олысьяссянь.