Октябр 31-öд лун – автомобильнöй транспорт вылын уджалысьяслöн лун

[ A+ ] /[ A- ]


Век водзö

Пожöг вож — районын медся уна сикт-грездъяса овмöдчöмин. Вомынбöж кындзи Эжва юлöн мöдарас Пожöг, Пожöгдiн, Кекур, Мале, Великополье, Улыс Ярашъю, Ярашъю. 2006-öд восянь танi олысьясöс автобусöн юрсиктö новлöдлö асшöр уджалысь Александр Михайлович Игнатов. Кодкö мунö кутшöм кö да могöн районса йöзöс уджöн могмöдан шöринö, йöзлы социальнöй отсöг сетан шöринö, бурдöдчанiнö да мукöдлаö. Сикт-посёлокса олысьяс локтöны и Пожöгö видлыны рöдвужсö, овмöдчöминса администрацияö кутшöмкö да кабалала либö почталöн юкöнö.
Медводз Александр Михайлович бать-мамыслöн отсöгöн ньöбис 15 морт вылö Газель автобус. Сэки туй бур на вöлi. Сэки жö йöзöс автобусöн новлöдлiс нöшта öти асшöр уджалысь, а сэсся дугöдчис. Содiс сыкöд мунысь-локтысь, да 2007-öд воын лизингöн босьтiс 25 морт вылö Паз, 2009-öдын аслас сьöм вылö 30 морт вылö бара жö Паз автобус. Тулыс-арын йи кылалiгöн да сувтiгöн сикт-посёлокъясысь йöзöс öти автобуснас вайö Эжва ю дорö, мöдсö кольö юлöн таладорас, сiйöн и нуö Кулöмдiнö.
Вочасöн туй юкöнъяс лоисны ветлыны шогмытöмöсь, юрсиктысь быд локтöмöн колiс сёр рытöдз дзоньтавны техника, мед мöд луннас петны нин туйö, ньöбавны дона запчасьтъяс. Но тайö абу дыр кежлö, лёк туйясöн дженьыд нэмыс и техникалöн. 2016-öд воын ковмис ньöбны выль автобус. Сьöмыс вöлi аслас, вичмис и «Экономика сöвмöдöм» районса программалöн «Ичöт да шöр предпринимательстволы отсалöм да сöвмöдöм» юкöн серти да «Монди СЛПК» акционер котыркöд ёртасьöм йылысь сёрнитчöм серти.
Кольöм воын Пожöг вожса водзмöстчысьяс чукöртчылiгöн вöзйисны «Йöзкостса бюджет» бала серти отсавны Александр Михайловичлы босьтны выль автобус. Öд буретш сiйö öтнас могмöдö автöбусöн ветлöм, сьöкыдлунъяс вылö видзöдтöг эз дугöдчы, пыр выльмöдiс техника, корсис петан туйяс. И олысьяс эскöны сылы. Республикаса юралысьлöн администрацияын районъяссянь воöм балаяс донъялiгöн бöрйисны Пожöг вожсаяслысь корöмсö. Сьöм вичмис экономика министерствосянь, торйöдiс районса администрация, пуктiс и ачыс. 21 морт вылö выль автобус гаражас нин, но туйö петас сöмын бура кынмöм да Кöдзыд Пöльöн лöсьöдöм туйö. Талун Александр Михайловичлöн уджалö кык автобус, эмöсь водитель да кондуктор.
Кыдзи и асшöр уджалысь, сiдзи и йöзыс ёна виччысьöны туй вужвыйöн дзоньталöм, мед повтöг да неминучатöг воöдчыны юрсиктö да бöр.
Марина Дадашова.
Снимок
Любовь Игнатовалöн.

Комментарии:

Добавить комментарий

Свежий выпуск: 28 марта

Осторожно — мошенники!