Неважöн районса администрациялöн ыджыд залын чукöртчылiсны бать-мамтöм челядьлöн опекунъяс, мам-батьтöмаяс вöсна тöждысьысьяс да приёмнöй рöдительяс.

Районса администрацияöн веськöдлысьöс вежысь Наталья Анатольевна Левченко восьтiс собранньöсö мам-батьöс вежысьяс дорö шыöдчöмöн:
— Пыдди пуктана мам-бать — тадзи сöмын тiян дорö шыöдча. Уна во быдтанныд да видзанныд челядьнытö, кутанныд кианыд, дöзьöританныд найöс. Матыстчысь семья праздник лун кузя аттьöала тiянöс челядьöс быдтöм да видзöмысь, ыджыд удж вöчöмысь, челядькöд шуд да шоныд сьöлöмкылöмъясöн юксьöмысь. Торйöн пасъям кык котырöс, кодъяс воысь во быдтöны да кокни сьöлöмöн лэдзöны борд увсьыныс шань да авъя челядьöс.

Джеджимысь Антонида Яновна да Георгий Дмитриевич Напалковъяслöн семьяыс чужис март 2002-öд воö. 16 челядь аддзисны ассьыныс туй, петiсны мам-бать борд улысь. Быдöн босьтiс аслыс колана профессия, велöдчисны да öнöдз на волывлöны мам-бать дорö. Öнi шань гозъя воспитывайтöны 5 челядьöс. Ставöн бура велöдчöны, участвуйтöны быд сикас кружокын.

Дереваннöйысь Ольга Борисовна Сенькина 2008-öд восянь быдтiс 2 челядьöс да лэдзис паськыд олöмö. Öнi бара жö семьяын быдмöны кыкöн. Шаньöсь да кывзысьысьöсь, зiльöны велöдчöмын, призёръяс да вермысьяс олимпиадаясын. Ыджыд аттьö тiянлы…
Водзö лыддьöй май 12-öд лунся газетысь.
Снимокъяс районса администрациялöн сайт вылысь.