Ноябр 21 лун — челядьлысь право доръян лун

[ A+ ] /[ A- ]

Пöртöны медшöр мог

Челядьлысь право дорйöм — тайö медшöр могыс районса администрацияысь опека да попечительство юкöнын уджалысьяслöн. Алексей Васильевич Пашнин 2019-öд вося июльсянь юкöнöн веськöдлысьöс вежысь. Таöдз уджалiс Скöрöдумса школаын директорöн.

  • Кыдз воö бать-мамöн колана тöждтöг кагаöс видзöм йылысь юöр, ми пыр жö мунам видзöдлыны збыль-ö элясьöмыс. Шогмытöм кö серпасыс, да вермас тöдчыны кагаыслöн олöм да дзоньвидзалун вылö, босьтам. Татшöм юöрыс вермас воны садсянь, школасянь, овмöдчöминса администрациясянь да йöзсянь, — сёрнитiс А.В.Пашнин.
    Бурдöдчанiнын дзоньвидзалун видлалöм бöрын босьтöм кагасö нуöны Кебанъёльса тыр арлыдтöмъяслöн социальнöй реабилитация юкöнö. Эз кö палявны бать-мам, эз вöчны аслыныс некутшöм кывкöртöд, абу позянлун быдтаснысö бергöдны гортаныс, чукöртöны колана документъяс бать-мам ним киритöм могысь. Судлöн кывкöртöд бöрын комын лунöн опека да попечительство юкöн корсьö кагалы мöд семья. Бытьысь колö, мед ас семьяö босьтысьяс уджалiсны, пöль-пöч кö, босьтiсны пенсия. Нöшта колö бурдöдчанiнлöн кывкöртöд, лöсялö-ö оланiныс, эз мунны паныд тшöтш олысьяс, да мед сэнi эз овны пукавлöм йöз. Позьö челядьöс босьтны пи либö ныв пыдди.
  • Челядьöс, кодъяслöн бать-мамыс эз бурмöдны оласног, бара дзугсисны, кагасö вермасны босьтны и приёмнöй семьяö. Пасъя, мый быд во миян районысь татшöм семьяяс петкöдчöны да шедöдöны А.А.Католиков нима премия. Ми ышöдам найöс пырöдчыны республикаса конкурсö, кöнi бöрйöны сöмын медбуръяссö. Ас семьяö йöз челядьöс босьтны окотитысьяслы позьö звöнитны 93-2-76, 93-2-14 телефонъясö либö волыны Кулöмдiнын Сöветскöй улича вылын 39-öд керкаö — висьталiс Алексей Васильевич.
    Татьяна Чувьюрова.
    Снимок вылын Алексей Васильевич Пашнин.

Комментарии:

Добавить комментарий

Свежий выпуск: за 23 июня

Осторожно — мошенники!