Выль керкаö пырисны Сергей Александрович да Наталья Васильевна Дмитриевъяс. Гозъя быдтöны кык челядьöс. Сергей зiльö асшöр уджалысь дорын, Наталья — социальнöй удж кузя специалист. Выль во кежлö лоис бур козинöн.
Ноябрын Павел Игнатовöс да Никита Габовöс босьтiсны армияö. Кыкнанныс веськалiсны служитны Тамбов обласьтö сухопутнöй войскаö. Павел мунiс школа помалöм бöрын. Никита велöдчис Ухтаса техническöй госуниверситетын.
Немдiнын жö кыпöдiсны овмöдчöминса администрациялы выль керка. Важыс сотчылiс кольöм вося ноябрын. Колис вöчны пытшкöс удж. Зiльö Сыктывкарса котыр. Сьöмсö вичмöдiс республика. Урчитöма эштöдны выль воöдз. Пасъям, сиктын бурдöдчанiн да администрация вöлiны öти вевт улынöсь. Öнi бурдöдчанiныс — сiдз шусяна передвижнöй машинаын. Сэнi куим жыр, кöнi и видлалöны висьысьясöс.
Асланым корреспондент.