Мый майшöдлö

[ A+ ] /[ A- ]

Вермас сiсьмыны
Ноябрын «Юрган» телеканалын юалöмъяс вылö вочавидзис Стройжилтехнадзорса службаöн веськöдлысь Р.А.Шашев. Сы дорö шыöдчылiс Тимшерысь Е.С.Фаныгина. Ань олö нёль патераа керкаын, öти на пиысь во кызь нин куш. Патералöн кöзяйкаыс пропишитчöма, но олö мöдлаын да локны оз кöсйы. Ломтытöг оланiныс кутiс тшыкны, сэтчö жö виялö вевтыс да вермас вальдыны йиркыс, мый тшыкöдас дзоньнас керкасö. Шыöдчылiсны овмöдчöминса администрацияö, но сiйö нинöм вöчны оз вермы. Овтöминысь ань выпишитчыны оз кöсйы. Татшöм керкаыс овмöдчöминын бура уна. Мый позяс вöчны?
Р.А.Шашев вочавидзис:

  • Патера кö абу асалöма, то сiйö лоö овмöдчöминса администрациялöн. Оланiн кузя законодательствоын урчитöма, мый кöзяинлöн мог — колана ногöн кутны ассьыс оланiн. Тi верманныд шыöдчыны Стройжилтехнадзорлöн службаö либö Госжилинспекцияö, медым видзöдласны, кыдзи кöзяин кутö патерасö, да кывкöртасны, мый та кузя позяс вöчны.
    А со мый висьталiс «Тимшер» овмöдчöминса юралысь В.А.Белова:
  • Выль во бöрын видла разьны гöрöдсö суд пыр: шыöдча, мед киритасны джынвыйö асалöм кузя право да оланiнсö вуджöдасны овмöдчöминлы.
    Лидия ЛИПИНА.

Почта оз вайны
Миян Климовск грездö почта урчитöма вайны быд вежон середаö, а во чöжöн вайлiсны сöмын куимысь. Колясны Зимстанö да лоö ветлыны аслыным. Ыстысьöны лёк туй вылö, а вотчысьяс дугдывтöг ветлöдлöны весиг «Жигулиясöн», непöштö «Ниваясöн». Почта машинаыд öд быдлатi мунысь. Сiдз кö нин шуны, таво гожöмбыд и арбыд вöлi мича, зэръяс вöсна туйяс ёнасö эз тшыклыны.
Оз ас кадö вайны весиг пенсия, Зимстанö бара жö лоö лэччывны аслыным. Тадзи жö кедзовтöны фроловсксаясöс, кодъяс миянсянь 11 километр сайынöсь. Морт туйö оз пуктыны дзик нин ньöти. Ми, кыкнан грездса олысьяс, корам, мед пыдди пуктiсны правояснымöс.
Степан ЛОПЫРЕВ.
Климовск.

Комментарии:

Добавить комментарий

Свежий выпуск: 28 марта

Осторожно — мошенники!