Пожöгысь Алёна Николаевна Мартюшеваöс тшöкыда аддзывла районса гажъяс дырйи, кор велöдö вöчны быдпöлöс мичаторъяс. Шань сьöлöма морт дорын пыр уна челядь. 
Помалiс Сыктывкарса университетысь химия факультет. Аддзис удж карысь, но некытчö лоис инавны велöдчигас на вайöм кагасö. Ковмис верöсыскöд бергöдчыны чужанiнас. Босьтiсны уджавны челядьлы содтöд тöдöмлунъяс сетан шöринö. Ас киясöн вöчасис дзолядырсянь, эз на весиг ветлы школаö, велöдiс мамыс. Кыис кöлуй аканьяслы, видзöдiс журналъясысь. Быдмыштöм бöрын кутiс кыны носкияс да кепысьяс аслыс и бать-мамыслы. Университетын велöдчигöн велöдiс öти жырйын олысь нывъясöс. Верöс сайö петöм бöрын кыис кепысь-носки верöсыслы да чачаяс нылыслы. Кор пырис уджавны, велöдчис челядькöд öтув. Сэк сöмын на босьтчисны гындысьны, эз вöвны ни инструментъяс, ни шöртъяс. Ковмис корсьны, та вылö мунiс уна сьöм. Сы серти, колö вöчны сэтшöмтор, мед позис вöдитчыны. Вöчалö брошъяс, сумкаяс, шапкаяс, кепысьяс. Сы дорö ветлöдлöны быдпöлöс арлыда челядь да кужö сибöдны быдöнöс. Кор вöчöмторныс артмö, челядьлöн öзйöны синъясныс, гортаныс мунöны долыдпырысь. Алёна Николаевналы таысь нимкодь. 
Аньлöн аслас кык ныв, Софьялы сизим, Мариналы кык арöс. Кыкнаннысö велöдö вöчны мичаторъяс. 
— Киподтуйöй пöрысь ыджыд мамсянь да пöчсянь. Ыджыд мам кыис сера кепысьяс, ачыс краситiс шöрт. А пöчöй гындысис, котырным вöлi ыджыд да вöчлiс кöм ставнымлы, — висьталiс Алёна. 
Галина КЛЮЖЕВА. 
Снимок интернетысь.