Миян йöз

[ A+ ] /[ A- ]

Кулöмдiнысь Георгий Алексеевич Ракин во уджалö Зимстанса школаын информатика велöдысьöн. Школа бöрын кöсйис велöдчыны туризм факультет вылын, но психологкöд сёрнитöм бöрын зон пырис пединститутö технология да предпринимательство факультет вылö. Институт помалöм бöрын Георгий быттьö вошлiс, эз тöд, мый вöчны, полыштiскодь мунны уджавны школаö, мыйла эз вöв опыт. Сэки буретш сылы вöзйисны водзö велöдчыны магистратураын. Бöрйис информационнöй технологияяс факультет да помалiс кык во мысти. Велöдчигкостi ыс ёртыс вöзйис уджыштны челядьлы содтöд тöдöмлунъяс сетан шöринын. Шöринсянь мöдöдлiсны велöдчыны Москваö, кöнi босьтiс сертификат. Магистратура помалöм бöрын гöгöрвоис, мый лоас велöдысьöн. Локтiс чужан районö. Велöдан управлениеын вöзйисны уджавны Зимстанса школаын. Георгий Алексеевичлы тайö вöлi кивыв, сiйö кöсйис велöдны дзоля школаын, мед гöгöрвоны, артмас-ö лоны велöдысьöн. Зонлы окота вöлi мыйкö вежны олöмас — тöдмасьны выль йöзкöд, выль котыркöд, выль челядькöд. Вочаалiсны зэв бура. Школаса директор Г.А.Кичун корсис оланiн. Куим жыръя патера зэв лöсьыд, ставыс эм.
— Ме тошка да челядь медводзсö ёна видзöдiсны полöмсорöн, но некымын вежон бöрын полöмныс вошис. Öтлаын уджалысьяс шаньöсь, пыр отсалöны меным. Кор налöн эмöсь кутшöмкö юалöмъяс компьютера техника кузя, ме дзик пыр жö отсала. Таво миян восьтiсны «Быдмöмлöн подув» велöдан жыр. Вайисны выль оборудование, шуам, виртуальнöй öчкияс, квадрокоптер. Эм 3D принтер, бур ворсан ноутбук, быдпöлöс инструментъяс, верстакъяс и с.в. Позьö велöдчыны ворсны шахматöн. Синмöй öзйö öдйöджык кутчысьны уджö, августнас нин кыскöмöн-кыскис школаö. Ме кута челядьöс тöдмöдны квадрокоптерöн, кутшöм сiйö овлö да мый вылö колö. Чайта, во мысти позяс нин нуöдны челядь костын ордйысьöмъяс, — висьталiс Георгий Алексеевич.
Том мортлы зэв интереснö тöдмавны мыйкö выльтор, петкöдчыны конкурсъясын. Неважöн на петкöдчис «Медводдза воськовъяс» ордйысьöмын, гортас дасьтiс да интернет пыр мöдöдiс уроклысь бала. Пырöдчис ставроссияса «Цифра» урокö, сетiсны сертификат. 2018-öд воын программирование кузя ордйысьöмын лоис коймöдöн. Тавося июльын ветлiс Ыбö том йöзлöн чукöртчылöм вылö, босьтiс аслыс уна выльтор.
Галина КЛЮЖЕВА.

Комментарии:

Добавить комментарий

Свежий выпуск: 28 марта

Осторожно — мошенники!