Александр Альбертович Иванов лун кöть вой дась петны туйö, нуны электромонтёръясöс коланаинö. Сiйö Лунвыв электрическöй сетьяслöн районса юкöнын водитель, новлöдлö мастер В.А.Кочановлысь уджалан котырсö. 
— Юкöнын 2001-öд вося августсянь. Пуксьöдiсны УАЗ вылö. Сэтшöмöс жö сетлiсны мöдöс. 2013-öд воын вичмöдiсны бур ГАЗ 3034. Кузолыс кык жыръя. Öтиыс уджалысьялы. Сэнi лабичьяс, пызан, джаджъяс, бисянь уджалан пач да чайник. Ыджыд удж бергöдiгöн, кор быд здук дона, танi и пажнайтам. Татчö жö саймовтчылам ёна зэригъясöн, шонтысям ёна кöдзыд дырйи. Кузовлöн мöд джынйын дзоньтасянiн, кöнi эм став коланаыс. Тайö машинаöн 10 лун кежлö ветлiм нин Удораö, отсалiм сэтчöс уджалысьялы нюжöдны выль би визь. Ветлiм Мылдiнö да велöдчим бырöдны торксьöминъяс, жугалöминъяс, — висьталiс Александр Альбертович, кодлысь бур уджсö нимöдан грамотаöн пасйисны промышленносьт да энергетика кузя Россияса министерство, «Комиэнерго» котыр. 
Гижöд да снимок 
Марина ДАДАШОВАЛÖН.