Полье грездö томиник нылöн важöн нин локтiс уджавны медсестраöн Татьяна Борисовна Дёмина. Дзоляник тушаа, сюсь вежöра, мусаник ныв. Петiс верöс сайö, чужтiс да быдтiс куим ныв-пиöс. Кад колис öдйö, бöрö лэбзис 29 во. Öнi Татьяна Борисовна уджалö фельдшер пыдди. Кадыс сiйöс быттьö оз и босьт. Век на тэрыб, öтырышъя кытчöкö котöртö. Висьысьяскöд мелi, нёрпалысьяс дорö локтö лун кöть вой, некор оз бöрыньт, грездса олысьяс вöсна тöждысьысь.
Мед жö Енмыс сетас Татьяна Борисовналы да сылöн семьялы дзоньвидзалун, некор оз су шог. Сиам, мед аньясöс нимöдан лун ваяс сöмын нимкодьлун да шонтас-гажöдас сьöлöмсö кыпыд руöн. Тiянлы муслун, дзоньвидзалун, уджын тöдчана вермöмъяс, семьяын лöнь олöм. Ыджыд аттьö да муöдз копыр, Татьяна Борисовна!
Полье грездса олысьяс.