Мича дзоридзьяс
«Грандын» снимайтчысьяслысь жырсö гажöдöма ас киöн вöчöм дзоридзьясöн. Эмöсь ыджыд юраöсь да зэв джуджыдöсь. Мичаöсь, шыбитчöны синмад. Зарни киаыс, вöлöмкö, ачыс кöзяйкаыс, Татьяна Евгеньевна Яркова.
— Челядь быдмигöн детсадсянь унатор корлiсны вöчны бать-мамöс. Ёна вöчасим бумагаысь. Весиг вурсьыны велöдчылi. Но челядь быдмисны, олöны бокын нин, прöст кад лоис унджык. Сэсся интернет ышмöдö-вöзйö быдтор вöчны. Ме бöрйи гартлыны дзоридзьяс, кодъясöс ачым ёна радейта. Найö гажöдöны гортын и öшинь улын. А вöчöмаясыс – со танi. Унаöс козьнала. Кутшöмкö пасъяс кежлö корлöны вöчны тшöтш тöдсаяс, рöдвуж.
— Та ыджда дзоридзыслы бумагыс колö, дерт, зэв уна.
— Сöмын гофрируйтöмыс мунö 8-10 метра. Таысь öтдор вöчасьны босьта изолон, фоамиран, сутуга да мукöдтор. Эм кö кöсйöм, лавкаясысь быдтор сюрö. Дзоридзьясысь öтдор босьтчи мукöдторйö. Со артмöны нин и жыр югзьöданторъяс. Дзонь букет, öзтан да, став мичыс син водзын.
Нина Буткина.
Снимок вылын: Т.Е.Ярковалöн вöчöмторъяс.
Комментарии: