Чужан муöй – помтöм вöр да дортöм видзьяс,
Чужан муöй – дзоридз кöр да мича кыдзьяс.
Чужан муöй – Эжва ю да чöскыд чери,
Чужан муöй – кöдзыд ру да джуджыд керöс.

Чужан муöй – Кадам ты да зумыд козъяс,
Чужан муöй – лэбач шы да пелысь розъяс.
Чужан муöй – юмов оз да шома ыжман,
Чужан муöй – еджыд юсь да са сьöд пывсян.

Чужан муöй – пöтка шыд да рача шаньга,
Чужан муöй – гожся рыт да тöвлöн камгöм.
Чужан муöй – коми кыв да мелi сьылöм,
Чужан муöй – мамлöн сыв да олöм-вылöм.
Дарья Катаева

.Керчомъя.