Ручса культура керкаын ичöт классъясса велöдчысьясöс зэв кыпыда пыртiсны Россияса орлятаяслöн радö. Мича еджыд дöрöмаöсь, зонкаяс сьöд гачаöсь, нывкаяс сьöд юбкааöсь сулалiсны сцена вылын. Залын пукалiсны мамъяс, велöдысьяс, гöсьтъяс. А кык нывка, тайö квайтöд классын велöдчысьяс Милена Лобанова да Екатерина Малева, нуöдiсны тöдчана мероприятиесö. 

Орлятаö пырысьяс сьылiсны, лыддисны кывбуръяс. Найöс чолöмалiсны сиктса юралысь Екатерина Николаевна Попова, франция кыв велöдысь Луиза Ивановна Кирушева, ветеранъяслöн котырöн веськöдлысь Екатерина Анатольевна Ульнырова. Быдöн казьтывлiс октябрятаö ассьыс пырöмсö, ёртасьöмöн олöмсö. Сы бöрын культура керкаын уджалысьяс, велöдысьяс, ветеранъяс ставныслы сьылiас öшöдiсны галстук, морöсас – «Орлята России» паса значок. Татшöм гижöд вöлiс и культура керкалöн сценалöн занавес вылын. Сценасö мичмöдiсны уна рöма шаръясöн, экран вылын музейысь октябряталöн олöм йылысь серпасъясöн. Чайтсьö, велöдчысьяслöн тайö кыпыд лоöмторйыс век кежлö коляс паметяныс, кутасны бура велöдчыны да водзмöстчыны олöмын.
Екатерина Ульнырова.
Снимокъяс гижысьлöн.