Дерт, велöдчöм мортöс вайöдас колана туйöдз, остсалас лоны бур мортöн. Таво Сыктывкарса университетын велöдча нин нёльöд во, ме кындзи танi Кулöмдiн районысь зэв уна том йöз, на лыдын менам ичöтджык вок – Богдан Филиппович Дёмин. Сiйö век мöвпалiс лоны сьылысьöн, окотитiс петкöдчыны ыджыд сцена вылын, весиг ачыс велöдчис ворсны гитараöн, босьтчылiс гижны неыджыд сьыланкывъяс. Школаас велöдчигöн пырöдчис Помöсдiнса «Электрические ребята» котырö, вöлi сьылысьöн, окотитiс петкöдчыны концертъяс вылын.

Школаын вояс колисны öдйö, и воис кад мöвпыштны, кöнi жö кутас велöдчыны водзö. Богдан сдайтiс экзаменъяс да докуменъяс сетiс уналаö уна туйвизь серти, но на пöвстысь бöрйис медся радейтанасö, кöcйö лоны журналистöн. Кыдзи висьталiс ачыс, воис сьöлöм вылас, кокниа сетчö велöдчöм. Пырöдчö быдсикас уджö, артмис весиг ветлыны Лузадор районö, кытчö «Мы – россияне» форум вылö чукöртчылiсны пусьысьяс, студентъяс, этнографъяс да туристалан туйвизьын асшöр уджалысьяс. Тöдмöдiсны коми сёян-юан вöчанногöн, локтысьясöс чöсмöдлiсны пöжасöн да сёянöн. Богдан ветлöм йылысь «Национальный акцент» журналö гижис статья. Велöдчис босьтны интервью, ёна кажитчис. Сэсся сетiсны журналистлысь сертификат, сы вылö велöдчыс кык тöлысь. Студентавны кажитчö, кужö сёрнитны, öтувтны ас гöгöрыс да ышöдны бурас ас тшöтшъяяссö, öтуволанiнас весиг бöрйисны, да кöсйысис лоны старостаöн.

Школаын пö велöдчыны эг ёна окотит, а танi дзик мöд олöм. Сессиясö вермис тупкыны «отлично» вылö. Ошкö и велöдысьяссö, найö cетöны зэв бур тöдöмлунъяс, туйдöнывелöдöны и олöмас.
Мед и водзö татшöм шыльыда да кокниа лоö воклöн вит вося журналистö велöдчöмыс, мед олöмас быд лун лоас шудаöн.
Марина Дёмина.
Снимокъяс гижысьлöн чукöртöмысь.