Матыстчö страналöн медся тöдчана гаж – Победа лун. Чайтöм серти, абу ни öти семья, кодöс эськö сійö кытшовтіс бокиті. Фронт вылын фашистъяслы паныд тышкасисны айловъяс, тылын дорисны Победа аньяс, олöмаяс да челядь. Лыдаöн колины вöрöглы паныд сулалысьяс, война вылö ветлысьяслöн дöваяс, тылса уджалысьяс. Бырöны и войнаса челядь, кодъяслöн дзоньвидзалун вылö тöдчисны челядьдырся сьöкыд удж, тшыгъялöм да кынмалöм. 
Миян мог – висьтавны быдмысьяслы налöн ыджыд подвиг йылысь, медым тайö некор эз вушйы вежöрысь. 
Корам гижны газетö асланыд вужйысь фронтöвикъяс, тылын уджалысьяс, войнаса челядь йылысь казьтылöмъяс, а ми йöзöдам газетлöн лист бокъясын, медым на йылысь тöдіс став район. 
Гижöд позьö мöдöдны почта пыр татшöм адрес серти: 168060, Кулöмдін сикт, Ленинлöн улича, 9 «а» керка, «Парма гор» газетлöн редакция, либö sden2011@ yandex.ru электроннöй адрес вылö. 
Редакция.