Кортöм гöсьт

[ A+ ] /[ A- ]

Тайö вöвлöмторйыс шызьöдіс Ичöт Кужйысь Мельнича вывса олысьясöс. Июнь 24-öд лунö кöкъямыс час рытын сиктö петiс ош.
Ыджыд Кужйысь мужичöй буретш кыйсис Куж юын. Казялiс, кыдзи Мельничалань кайис ош.
Мужичöй пыр жö звöнитiс сэнi олысь ёртыслы, мед йöз видзчысисны, эз паныдасьны варгылькöд. А сiйö вöлöм пывсьö суседъясас да ёна повзис, öд ошкыд вермас уськöдчыны гортас мунiгöн. Пырысьпыр звöнитiс пывсянлöн кöзяинлы, олöма мортлы. Сiйö шмонитöмöн вочавидзис, тэ пö ён морт да ачыд верман путкылявны оштö, тшöктiс повтöг мунны гортас.
Ошкыд дыр эз гöсьтит сиктад. Понъяс кылісны сылысь дуктö, ёна увтiсны, орöдчисны домъяс вылысь да уськöдчисны кортöм гöсьт бöрся. А бöрсö найö локтiсны бубыля кодь няйтöсь, тыдалö, тапикасьысьтö вöтлiсны юöдз.
Бур, мый ошкыс эз вöв ыджыд да некутшöм лёк эз вай сиктса олысьяслы.
Сувтö юалöм, мыйла бöръя кадö пыр тшöкыдджыка вöрса пемöсъяс петö-ны сиктö?
Оксана ЛЕБЕДЕВА.

Комментарии:

Добавить комментарий

Свежий выпуск: 28 марта

Осторожно — мошенники!