Коркöя зiль йöз…

[ A+ ] /[ A- ]

Пожöгö быд волiгöн юрын бергалö юалöм: мыйла коркöя уна йöза да гажа сикт шöрыс воысь во кушмö, олысьястöг колис нин сы мында стрöйба? А öд коркö танi пуис олöм. Син водзын на йöзыс, кодъясöс тöдлi. Школаын велöдчигöн ыззьöдлiсны чужанiн йылысь тöдмалöм-корсьысьöмö, гöрд галстука ёртъяскöд ветлöдлiм керкаысь керкаö да гижим тетрадь листъясö йöз йывсьыс. Став гижöдъяссö сетлiм школаö. Дерт, кöнкö, нинöм нин сэнi абу. Унатор и юрысь вушйис. Но мыйсюрö ылöсала на.

Кырйыв


Мöвпъясöн медводз вуджавла Кырйылö. Шуи «вуджавла», сы вöсна мый Вичкодорсö да Кырйывсö юкö неыджыд шор. Челядь дырйи сiйö вöлi миянлы зэв муса: Эжваын дорысь ваыс сэнi öдйöджык шонавлiс да, ёна и шполькöдчим ямтöдзыс гожöм шöрöдз. Грездыслы нимсö сетлöмаöсь вывтас местаö пуксьöм вöснаыс. Керкаясланьыс крут чойсö колö шойччöмöн кайны. Зато тувсовъя шондiыс лымсö Кырйылысь нювлiс медводз, и некор эз ков повны ва босьтöмысь…
Нина Буткина.
Водзö лыддьöй январ 28-öд лунся газетысь.

Комментарии:

Добавить комментарий

Свежий выпуск: 28 марта

Осторожно — мошенники!