Кор вöлi удалöн да томöн
Кынтавлiс да, пелысь роз
Лоис юмов-юмов.
Тэ тшöтш чöскыд вотöс моз
Кыскан аслад нюмöн.
Окалыштны эськö да
Топыд алöй вомдор.
Сьöлöм песö-дзескöдö
Ыззьöдысь на томдыр.
Уна розъя пелысь лап
Козьнавлывлi мöдлы,
Кодi, ышнясьысь да тшап,
Пышйис, эг и тöдлы.
Кисьмöм вотöс тунь да тонь
Муö нин со усьö.
Локтiс кыськö збодер жонь,
Ставсö перкйис* тусьöдз.
*перкйис — öктiс, пыллис
Вячеслав Бабин.
Комментарии: