Газетыд — «сира» удж

— Дзолядырсянь да быдмигчöж кöсйи лоны велöдысьöн. Мам моз, кодi важöн нин уджалiс школаын, радейтiс челядьöс, а асьсö пыдди пуктiсны поснияс и верстьö. Начальнöй классъясын велöдчысьясöс сiйö некор эз кольлы мöд во кежлö, а вöлiны кö омöльджыка гöгöрвоысьяс, урокъяс бöрын накöд уджалiс содтöд. Гортын миян школа кодь жö вöлi, дöсканас и журналöн: мам кодсюрööс ыстывлiс бара жö содтöд велöдыштны. Учительясöн вöлiм ми воккöд. Ворсiгмоз и нуöдлiм «уджнымöс», асьным öд челядь жö вöлiм, кöть наысь муртса душ-мöдöн ыджыдджык арлыдаöсь.

Но, кыдз шуласны, судьбаöй дзик виччысьтöг кежöдiс мöд туй вылö. Öтчыд, Кулöмдiнö попуттьö волiгöн, (шöр школа помалöм бöрын лöсьöдчи мунны юркарö да пырны пединститутö) петi гуляйтыштны сикт кузя да мыйлакö, быттьö, кодкö тойлалiс, пыри редакцияö. Мися, видзöдла, кыдзи газетсö вöчöны. Вöлi шойччан лун, но места вывсьыс суи редакторсö. Николай Трофимович Пунегов пö, висьтасис. Здукöн тöдмасим. Буретш корректорсö отпускö лэдзöма, сы местаö вöзйис недыр уджыштны…
Водзö лыддьöй июнь 8-öд лунся газетысь.
Марина Дадашова.
Снимок Нина Буткиналöн чукöртöмысь.