Коми кывлы сиöмöн

[ A+ ] /[ A- ]


Февраль 21-öд лунö Пожöгса библиотекаын сыöн веськöдлысь Полина Борисовна Сенькина котыртлiс «Миян озырлун — гижысь йöз» ним улын чужан кывлы сиöм гаж. Пожöг вож збыльысь озыр гижысьясöн. Тайö миян дорысь мунöм нин Сандрик Микол да Сандрик Ёгор вокъяс, Пётр да Борис Шахов вокъяс, Михаил да Лия Лудыковъяс гозъя, Александр Лужиков, а сiдзжö водзö на гижысьяс Лия Мартюшева да Ольга Курочкина. 
Аддзысьлöм вылö волiсны велöдысьяс да гижысьяс Владимир Игоревич Шомысов да Елена Александровна Игнатова, сьыланкывъяс лöсьöдысь Галина Николаевна Сенькина, серамбана висьтъяс гижысь Анна Степановна Чисталёва. Кекурса ань Александра Михайловна Шахова лыддис чужан кывлы да сиктлы сиöм кывбуръяс. Роза Вилениновна Уляшева сьылiс аслас кывбур вылö лöсьöдöм чужан Кекур грездлы сиöм сьыланкыв да частушкаяс. Сiдзжö юргисны Галина Сенькиналöн да Скöрöдумса Александр Уляшевлöн сьыланкывъяс. Волысьяс сёрнитiсны олöмын чужан кывлöн тöдчанлун йылысь. Бöрыннас юисны пöсь чай, ас пöжалöмторъяс вайлiс П.Б.Сенькина. 
Луннас сiйö гижöдiс диктант. Волiсны найö, кодъяслы збыльысь дона да муса чужан кыв. 
Анжела Ильина. 
Гижысьлöн снимок вылын: 
библиотекаын аддзысьлiгöн.

Комментарии:

Добавить комментарий

Свежий выпуск: 28 марта

Осторожно — мошенники!