Шöръягса клубысь челядьлöн «Непоседы» йöктан котыр бара дзирдыштiс «Коми кадриль» йöктöмöн, босьтiс лауреатлысь мöдöд тшупöда диплом.
Март 28-31-öд лунъясö петкöдчис Москваын йöктöмын ЮНЕСКО-лöн войтыркостса Сöветöн котыртöм конкурсын. Йöктан искусствоын тайö вöлi медся ыджыд да тöдчана бала. Россия пасьтаысь да мукöд государствоясысь 2500 йöктан котыръясысь финалын петкöдчисны 300-öн. Видзöдысь да донъялысьяс пиын вöлiны балетын нималана артистъяс, культураын да искусствоын уджалысьяс, странаясысь культура министерствояс петкöдлысьяс да йöктöмын войтыркостса Сöветöн веськöдлысьяс.

«Непоседы» котырлы да веськöдлысь Ольга Николаевна Дороганьлы сетiсны йöктöмын войтыркостса Сöветö пыртöм йылысь эскöдан сертификат.
Пасъям, енбиа челядь мöдысь нин петкöдчöны республикаысь бокиын конкурсын.
— Аттьö районса юралысь-районса администрацияöн веськöдлысь С.В.Рубанлы, госсöветса депутатъяс В.А.Косов да Д.А.Шатохинлы, райсöветса депутат А.А.Кузнецовалы да асшöр уджалысьяслы, йöктöм пуктöмын отсалöмысь Шöръягса школаысь англия кыв велöдысь А.Г.Морохиналы. Челядь коми кадрильöн вöрзьöдiсны конкурс донъялысьяслысь сьöлöмъяснысö, петкöдчисны колананог, — кыпыд ловкылöмöн сёрнитiс Ольга Николаевна.
Районса администрацияысь пресс-служба.
Снимок районса администрациялöн сайт вылысь.