Водзö видзöдöмöн

Сикт-посёлокъясын олысьяс собраниеяс вылын видлалöны да бöрйöны 2021-öд во кежлö «Йöзкостса бюджет» серти олöмö пöртан балаяс. Пожöгын да Вöльдiнын шуисны выльмöдны памятник-обелискъяс да налысь гöгöрсö. Дiасёръяын олысьяс вöзйисны медуна бала: посёлокын ва визь нюжöдöм, школаысь öшиньяс вежöм, спортивнöй зал дзоньталöм да сэтчö инвентар ньöбöм, «Улыбка» сад йöр лöсьöдöм, контейнер сувтöданiнъяс дасьтöм.
Индöм балаяс дор кырымасисны 200-ысь унджык олысь. Балаясыслöн öтувъя доныс артмис 3 миллион 411 сюрс 334 шайт, олысьяс чукöртiсны 35 сюрс 250 шайт.
Матысса кадö татшöм могъяссö видлавны чукöртчыласны дас öти сикт-посёлокын. Нуöданiн да кад йылысь олысьяс вермöны тöдмавны меставывса администрацияясысь.
Кирилл Попов.