Июнь 24 лун — Том йöзлöн лун

[ A+ ] /[ A- ]

Сöмын ёна зiльöмöн

Кулöмдiнысь Дарья Уляшева 14 арöссянь пырö пауэрлифтинг кузя республикаса öтувъя котырö, 15 арöсöн лоис спортса мастерö кандидатöн. Босьтчöмсянь регыдъя кадöн шедöдiс тайö ыджыд вермöмсö.
Нывка витöд классянь сетчис спортö. Ворсiс шахматыысь, вермылiс ордйысьöмъясын. Но сэсся пö гажтöм лоис. Андрей Алексеевич батьыс рытъяснас да шойччан лунъясö штанга лэптавны ветлöдлiс «Олимпик» ёнмöдчанiнö, 7-öд классын велöдчигöн эз кольччы и Даша. Михаил Альбертович Липин тренерыс тöдчöдiс, мый медшöрыс — бура велöдчыны, а пауэрлифтингын — бура сёйны да узьны, кутчысьны урчитöмторъясö да дзоньвидза оласногö. Дисциплина колö кыдзи спортын, сiдзи и велöдчöмын.
2021-öд воын медводдзаысь петкöдчис районса да республикаса ордйысьöмъясын да аслас сьöктаяс пöвстын босьтiс медводдза места. Тайö ыззьöдiс нывкаöс нöшта на. Кольöм воын шедöдiс спортса мастерö кандидатлысь ним.
Велöдчигöн спортзалö ветлö куимысь вежоннас, каникулъяс дырйи витысь. Личöдчыны оз позь. А ордйысьöмъяс водзын мöдарö, оз позь вывтiасьны, колö шойччöдыштны яйчиг.
Даша шуö, аслам сьöктаяс пöвстын ачым пö аскöд вермася да, дерт, пыр медводдза места (сыысь öтдор кык нывка лэпталiсны жö штанга, но школа помалöм бöрын мунiсны велöдчыны карö). Но кольöм вося декабрын Вöлöгда обласьтса Шекснеын пауэрлифтинг кузя Рытыв-войвыв кытшын мунысь ордйысьöмын босьтiс медводдза места, кытчö ветлiс республикаса öтувъя котыркöд. Тайö висьталö ставсö.
Марина Дадашова.
Спорт шöринлöн снимок вылын тренер М.А.Липин да Дарья Уляшева.

Комментарии:

Добавить комментарий

Свежий выпуск: 23 мая

Осторожно — мошенники!