Таво май 21–öд лунö тырас 20 во, кыдзи кувсис миян бать – Архип Иванович Шебырев. А сентябрын чужöмсяньыс тырас 100 во. Олiс 79 арöсöдз, 80–öдзыс эз ов нёль тöлысь. Зэв на ёна кöсйис водзö овны. Матö 44 во уджалiс би сетанiнын, 69 арöсöдз…

Кыдзи помнита, бать уна во гижышталіс олöмсьыс кутшöмкö лоöмторъяс йылысь, казьтылöмъяс: удж кузя, ас овмöс бергöдöм кузя, семьялöн олöм, вöрва, поводдя вежласьöм да мукöдтор йылысь. Гижліс кык вель ыджыд казьтылöм: öтиыс Пожöг ю вылын гидроэлектростанция стрöитöм да Пожöг да сыгöгöрса сиктъясö би сетöм йылысь. Мöдыс Кулöмдiнын би сетöм йылысь. Тайö гижöдъясас став вöчöм уджсö петкöдлiс паськыда, стöча, кадсö помнитöмöн да пасъялöмöн. Бать кöсйывліс йöзöдны тайö гижöдъяссö, но кыдзкö эз ло. А гижліс 2001-2002–öд воясын…

Кулöмдінын бать уджаліс биöн могмöданiнын 1956–öд вося январсянь 1994–öд воöдз. Уджыс вöлі зэв кывкутана. Бать лючки тöдiс сiйöс, вöчис сьöлöмсяньыс зiльöмöн, бура…
Водзö лыддьöй апрель 25-öд лунся газетысь.
Галина Шебырева.
Снимок гижысьлöн чукöртöмысь.