Дзирдыштiсны и помöсдiнаяс

[ A+ ] /[ A- ]

OLYMPUS DIGITAL CAMERA

Дзирдыштiсны и помöсдiнаяс
Помöсдiнса 391 велöдчыся школа таво помалiсны кык классöн 40 морт. Öтувъя государственнöй экзамен сдайталiсны 20 велöдчысь. Тöдöмлун налы сетiс ветымын кык велöдысь. Школа бердын эм дас сизим морт вылö интернат. Тöдöмлунъяс босьтны тайö школаö локтöны Пузла, Ягкöдж, Ярашъю посёлокъясысь, Вöльдiн да Скöрöдум сиктъясысь челядь. А медводдзаысь школаö пырысьыс матыстчö Мöдлапöлысь, Сордйылысь, Выльгортысь, Бадьёльйылысь. Тавося 89-öд выпускысь кыкöн велöдчöмсö помалiсны эзысь медальöн.
Елизавета Шомысова Скöрöдумысь. Бура велöдчöмысь öтдор медводдза классянь котралö Ольга Михайловна Князеваöн нуöдан йöктан кружокö. Спортсменка, ворсö волейболысь да занимайтчö лёгкöй атлетикаöн. Удитiс пырöдчыны Диана Михайловна Шомысовалöн «Дизайн причёсок» кружокö. Аръяснас нывка радейтö гежмавны батьыскöд парма-ягъяс. Любöпырысь вотö мырпом, чöд, пув, турипув да тшак. Завучлöн, Любовь Васильевна Бизиналöн кывъяс серти, зэв шань велöдчысь, урокъяс кежлö пыр дась, зэв кывкутысь, ыджыд терпенньöа. Водзö олöмас асьсö аддзö йöзöс бурдöдысьöн.
Виталий Уляшев Бадьёльйылысь. Директорыс, Лариса Васильевна Шомысова лыддьö зонкаöс зэв уна тöдны кöсйысьöн да нöшта на и интеллектуалöн. 2019-2020 велöдчан воясын лоис районса юралысьлöн стипендиатöн. Пырö химия бура тöдысь республикаса кызь велöдчысь лыдö. ЛУКОЙЛ-öн нуöдан республикаса олимпиада бöрын юнь 20-öд лунö кырымалiс вылыс тшупöда тöдöмлунъяс босьтöм да 3-5 во кежлö тайö команияас уджалöм йылысь сёрнитчöм. А водзöсö олöмыс петкöдлас…
Владимир Шомысов.
Снимок гижысьлöн.

Комментарии:

Добавить комментарий

Свежий выпуск: 28 марта

Осторожно — мошенники!