Декабр 22 лун — Энергетиклöн лун

[ A+ ] /[ A- ]


Ыджыд сямаяскöд радын
Томмö лунвыв электрическöй сетьяслöн районса юкöнын уджалысьяслöн котыр. Шойччöг вылö петысьясöс вежöны велöдчöм том йöз. Быд во локтöны матö вит-квайт специалист. Кык во сайын Сыктывкарса индустриальнöй колледжын электромонтёрö велöдчöм бöрын татчö локтiс Андрей Павлович Габов.

  • Медводз тöдöмлун да сям донъялöны полигон вылын. Велöдчигöн да практика дырйи татшöмыс эз вöв, а танi медводз тшöктiсны кайны сюръя вылö. Он гöгöрво, мый висьталöны улiсяньыс, а колiс вöчны, мый тшöктiсны. Но артмис ставыс. Пöся вочаалöны томъясöс, туйдöны-велöдöны ыджыд сяма уджалысьяс. Зэв бур уджалысьяслöн котыр, — кыпыд русö эз дзеб том электромонтёр, кодi нöшта пырö биöн могмöдысьяслöн баскетболысь ворсан öтувъя котырö.
    Выль во водзын мастер Андрей Валентинович Лютоевлöн котыр, кöнi Андрей Павлович кындзи вöлiны Александр Николаевич Рассыхаев, Александр Михайлович Логинов электромонтёръяс да Иван Евгеньевич Тарабукин тракторист, уджалiс Куж вожын. Озъягын да бать-мамлöн корöм серти Ичöт Кужйын велöдчысьяслöн автобус виччысянiн дорын сувтöдiсны öти сюръяöн, овмöдчöминын содтöд öшöдiсны выль 10 лампа, вежисны кусöмъяссö. Тайö уджъяс вылö сьöмсö вичмöдiс районса администрация.
    Биöн могмöдысьяслöн зэв кывкутана удж. Найö лун и вой дасьöсь петны туйö лöсьöдны-йитны тöвнырöн либö чардбиöн вывтiасьöм, поводдякöд йитчöм мукöд ускöттьö бöрын орöминъяс, жугалöминъяс. Кулöмдiнса котыр ыджыд уджъяс бергöдны ветлö районлöн быд пельöсö, отсасьö мукöд котыръяслы. Медся пöсь кад тöв кежлö дасьтысигöн. Вöчöны ставсö, мед быд керкаын вöлi югыд да шоныд, медым миянлы овсис кыпыда.
    Гижöд да снимок
    Марина Дадашовалöн.

Комментарии:

Добавить комментарий

Свежий выпуск: за 18 февраля