Вöлi десантöн

[ A+ ] /[ A- ]


Ярашъюысь Егор Михайлович Мингалёв эз и тöдлы, кыдзи бöрö колис во. Армияын служитiгöн сы дорö бать-мамыскöд волiс муса Татьяна нылыс, сiйö жö и виччысис муса зонмöс, вочаалiс юркарын.
Веськалiс Псковö сынöдса десант войскаö, кытчö босьтöны ён да дзоньвидза зонъясöс, кытчö и кöсйис. А подулыс вöлi. Велöдчис бура, кутчысис дзоньвидза олöмö, ёртасис спорткöд.

  • Школаын физкультура велöдiс Анна Алексеевна Шебырева. Сыысь öтдор ворсi волейболысь, баскетболысь, котралi лыжиöн, ветлöдлi ордйысьны. Баскетболысь да волейболысь ворсны велöдiс Александр Гурьевич Мингалёв. Вöлi волейболысь ворсысьяслöн районса, сэсся Сыктывкарса госуниверситетса öтувъя котыръясын. Университетын велöдчи лёкысь видзчысьöм кузя инженерö. Армияö мунi окотапырысь, öд военнöй билеттöг сьöкыд аддзыны удж, торйöн нин менам босьтöм специальносьт серти, — сёрнитiс Егор.
    Княжпогостсянь Псковö мунiс 25 зон. Öтилаö и веськалiсны, присяга бöрын торйöдiсны часьтъясö. Олiсны ёртасьöмöн, öта-мöдлы отсасьöмöн, некутшöм вывтiасьöм пö эз вöв. Кыдз и колö служитысьяслы, ёна песiсны вын-эбöс, котралiсны, уджалiсны öружиеöн, «АН-2» да «ИЛ-76с» самолётъяссянь чеччалiсны парашютöн. Сынöдö кайтöдз велöдiсны ас вылö кышавны парашют, кыдзи торйöдчыны, чеччыштöм бöрын кö сынöдын öтлаасис кык морт, кыдзи му вылö воöмöн колананог сувтны кок вылö, да кадöн тубравны парашют да с.в. Салдатъясöс лэдзлiсны петавны карö, кöнi найö тöдмасисны Псковлöн тöдчанаинъясöн, ветлiсны лавкаясö. Шойччан лунö весиг луннас позис узьыштны. Сiйö жö лунö позис звöнитны. Бытьысь телефон пыр йитчылiс муса нывкöд, кодi тшöтш велöдчис университетын, но мöд факультетын, бать-мамкöд, Михаил воккöд да ёртъяскöд.
    Öнi Егор юркарын. Кöсйö пырны уджавны босьтöм специальносьт серти.
    Марина Дадашова.
    Снимок Егор Мингалёвлöн чукöртöмысь.

Комментарии:

Добавить комментарий

Свежий выпуск: за 17 сентября